《韓式fusion西餐廳 🇰🇷驚喜泡菜芝士burger🍔》
最近草根姐姐轉咗工去咗科學園做嘢，當然都要發掘一下附近嘅美食啦🤗！今次去呢嘅係19W 2樓嘅西餐廳。餐廳位於花園平台，有半邊屬於戶外用餐區，環境開揚，未食嘢感覺已經幾好。
.
📍泡菜燒烤醬牛肉芝士漢堡($138)
Kimchi & Beef Cheese Burger
牛肉味道濃郁香口🐃，切開中間仲係呈粉嫩嘅顏色💖。燒烤醬令漢堡味道出色🤩，而泡菜作為呢道菜嘅主角之一，亦都鋒芒畢露🌟，酸酸辣辣嘅味道十分開胃🤤，同時能夠減低漢堡嘅油膩感。配料有生菜🥬、蕃茄🍅同酸瓜🥒，味道豐富好食。呢個韓式fusion漢堡係近期草根食過印像幾深刻嘅burger🍔。旁邊仲配有粗薯條同沙律菜🍟🥗，粗薯炸等唔錯，唔油膩又夠大條，正🤟🏻。
.
📍泡菜豬頸肉炒飯($108)
Fried Rice with Kimchi & Pork jowl
今次2款主菜都係叫咗韓國野菜🇰🇷，呢個韓式炒飯真係落咗辣醬去炒，所以味道帶香辣🔥。豬頸肉厚切，肉質油潤🐷口感彈牙，食落仲充滿豬油香，惹味又開胃🤤。炒飯仲配有一個韓式清湯同一小碟泡菜，味道同份量都令人好滿足。
.
📍自家製蘋果批($58)
Homemade Apple Pie
蘋果批味道幾好，焗到暖暖哋嘅蘋果🍎，味道然清甜😬，配上脆身批底，口感豐富，最正係加上一球雲呢拿雪糕🍨，食落濕潤啲，味道又更豐富，不錯呢👌🏻！
.
📍傳統鮮檸檬撻 ($58)
Classic French Lemon Tart
檸檬撻賣相雖然未算好突出🍋🍰，但食落酸酸甜甜，完全唔會覺得膩，味道比想像中更出色，好食啊！
.
食完之後覺得味道比想像中更好食，雖然地點係比較遠，不過對於我哋呢啲喺科學園做嘢嘅人嚟講真係一個幾好嘅選擇😆。
.
Hunky Dory (沙田)
沙田白石角香港科學園科技大道西19號19W大樓2樓245室
Search